Berliku Fanu Rai
(BFR) hetan apoiu fundu husi Secretaria de Estado da Juventude e do Desporto
(SEJD), atu loke KURSU MUZIKA MINI ORCHESTRA “BERLIKU LIAN”, iha BFR.
Fundu ne’e mos uza atu lori Hanorin Nain/Instrutor sira mai husi Indonesia, atu hanorin iha Kursu Muzika ne’e.
Tamba ne’e, BFR konvida maluk Timor oan sira atu mai rejistu iha Kursu Muzika ida ne’e, ho kriteria hirak tuir mai ne’e:
1. Kursu Muzika Mini Orchestra “Berliku Lian” ne’e GRATIS.
2. Ema nebe registu tenki ema ho Nasionalidade
Timor Leste.
3. Ema nebe registu, nebe iha konhesimentu baziku kona ba
muzika no hatene lian
Indonesia (rona, koalia no
hakerek) sei konsidera hanesan prioridade
4. Rejistu loke ba publiku, ho kriteria hanesan tuir mai ne’e:
a. Ema nebe registu iha tinan 15 – 30 anos.
b. Ema nebe registu, sei estuda iha Eskola Sekundaria
(la simu ema nebe iha nivel
Eskola Baziku no Eskola Pre-Sekundaria), no laos Fungsionariu iha Instituisaun ruma.
c. Ema nebe registu, sei estuda iha Universidade,
no laos Fungsionariu iha Instituisaun ruma.
d. Ema nebe registu, nu’udar komunidade comum,
no laos Fungsionariu iha Instituisaun ruma.
5. Ema nebe registu laos ema nebe iha problema ho
matan, tilun, no mos nia mental.
6. Estudante sira nebe rejistu, tenki hatama dokumentu sira
hanesan tuir mai ne’e:
a. Fotocopia Kartaun Estudante nian – tahan 2
b. Fotocopia Certidão Baptismo – tahan 2
c. Foto (nebe hasai iha fulan hanesan ho fulan rejistu nian) 3x4 - tahan 4
d. Biodata.
7. Ba
komunidade comum (laos estudante) nebe hakarak rejistu, tenki hatama dokumentu sira hanesan tuir mai ne’e:
a. Fotocopia Bilhete Identidade – tahan 2
b. Fotocopia Certidão Baptismo - tahan 2
c. Foto (nebe hasai iha fulan hanesan ho fulan rejistu nian) 3x4 - tahan 4
d. Biodata.
8. Ba
sira nebe seidauk kaben/jovem, tenki iha Surat
Rekomendasaun
husi Inan Aman.
9. Ema nebe rejistu ona tenki tuir “Audisi” nebe BFR sei
halo iha BFR nia fatin, ho materia ba “Audisi” hanesan tuir mai ne’e:
a. Konhesimentu Baziku kona ba “Nada”
b. Konhesimentu Baziku kona ba “Tangga Nada”
c. Konhesimentu Baziku kona ba “Birama”
10. BFR sei fo sai naran sira nebe Passa iha “Audisi” ida
ne’e, liu husi Radio no Televizaun Timor Leste, no automatikamente, sira nebe
passa ona sei rejista hanesan alunus iha Kursu Muzika Mini Orchestra “Berliku
Lian”.
11. Ema sira nebe Passa iha “Audisi” ida ne’e, tenki asina
Akordu ida ho BFR, ho konhesimentu husi Secretaria de Estado da Juventude e do
Desporto (SEJD), nebe deklara katak:
a. Alunus tenki tuir kursu to’o rohan
b. Alunus ne’e laiha Planu atu ba kontinua eskola, servisu, ou moris iha
rai liur
c. Depois
de Kursu, alunus sira automatikamente sai membru husi Banda “BFR Orchestra”, iha BFR nia gestaun no servisu hamutuk ho SEJD, atu kontribui ba Eventu Nasional
sira nebe nesesariu.
12. Kursu Muzika Mini Orchestra ne’e sei hala’o iha fulan hat (4) nia laran, no fahe ba faze tolu (3):
a. Faze I: 7 de Outubru de 2015 – 31 de Outubru de 2015
b. Tahap II: 16 de Novembru de 2015 – 5 de Desembru de 2015
c. Tahap III: 20 de Janeiru de 2016 – 20 de Fevereiru de 2016
Alunus sira nebe hetan ona formasaun iha Kursu “Berliku Lian” ne’e, iha possibilidade atu sai Futuru Instrutor ba Kursu “Berliku Lian” ne’e rasik.
Finalidade husi kursu ida ne’e mak, sei estabelese Banda Orchestra Mini ida iha BFR nia gestaun.
Banda
Orchestra Mini ne’e sei servisu hamutuk ho SEJD, atu partisipa no kontribui ba
Eventu Nasional sira nebe nesesariu.
Registu ba Kursu sei loke iha:
Fatin: BFR –
Avenida Cristo Rei, Meti-Aut Dili -
Timor Leste
Data:
15 de Setembru – 01 de Outubru de 2015
Oras:
09.00 – 12.00; 13.00 - 17.00 OTL
Audisi sei hala’o iha:
Fatin: BFR – Avenida Cristo Rei,
Meti-Aut Dili - Timor Leste
Data:
02 – 04 de Outubru de 2015
Oras:
09.00 – 12.00; 13.00 - 17.00 OTL
Audisi sei hala’o tuir lista Rejistu, kada loron. Avizu kona ba Partisipante sira nebe PASSA iha Audisi ne’e, sei fo sai iha RTTL iha loron 05 de Outubru, 2015. Partisipante sira nebe PASSA ona, sei mai halo rejistu fali iha:
Fatin: BFR – Avenida Cristo Rei,
Meti-Aut Dili - Timor Leste
Data:
06 de Outubru de 2015
Oras:
09.00 – 12.00; 13.00 - 17.00 OTL
No comments:
Post a Comment